ജോലി നഷ്ടപ്പെട്ടു.. ബിസിനസ്സ് തകർന്നു.. നിരാശപ്പെടേണ്ട കാര്യമുണ്ടോ?

അനിൽ വൈദിക് സംസാരിക്കുന്നു..

വലിയ ആർഭാടങ്ങൾ ഇല്ലാതെ..ലളിതമായി ജീവിക്കുവാൻ തയ്യാറാണെങ്കിൽ.. മറ്റുള്ളവരെ വേദനിപ്പിക്കാതെയും ചൂഷണം ചെയ്യാതെയും ജീവിച്ചു പോകുവാൻ പ്രകൃതിയിൽ ധാരാളം അവസരങ്ങൾ ഉണ്ട്.. ചുറ്റും ഒന്ന് നിരീക്ഷിക്കുക.. അവരവർക്ക് മനസ്സിന് ഇഷ്ടപ്പെട്ടു ചെയ്യാവുന്ന കാര്യങ്ങൾ മാത്രം ഉപജീവനത്തിനായി തിരഞ്ഞെടുക്കുക.. കുടുംബത്തോടൊപ്പം താമസിച്ചുകൊണ്ട് സുഭിക്ഷമായി ജീവിക്കാം.. രോഗങ്ങൾ ഒന്നും വരാതെ ശരീരത്തിനെ സംരക്ഷിക്കുകയും ചെയ്യാം..
എന്റെ ചില നിരീക്ഷണങ്ങൾ കുറിക്കുന്നു..

സാധിക്കുന്നവർ പശുവിനെ വളര്‍ത്തുന്നത് ജീവിതചര്യയുടെ ഭാഗം ആക്കുക.. ഒരാള്‍ വിചാരിച്ചാല്‍ അഞ്ചു പശുക്കളെ വളര്‍ത്താം അധികം സ്ഥലം വേണ്ടാത്ത ഒന്നാണ് പശു വളര്‍ത്തല്‍ .പാൽ മാത്രമല്ല.. ഗോമൂത്രവും ചാണകവും ആവശ്യം കഴിഞ്ഞുള്ളത് വാങ്ങുവാൻ വീട്ടിൽ ആളു വരും.. പരിമിതമായ സ്ഥലത്ത് പോലും അടുക്കള കൃഷി തുടങ്ങാം.. തീറ്റ പുല്ലു വളര്‍ത്താം .

സ്ഥലം ഇല്ല എന്നു പരാതി പറഞ്ഞിട്ട് കാര്യമില്ല.. നമ്മളുടെ ഉദ്ദേശം ശുദ്ധമാണെന്നു ബോധ്യപ്പെട്ടാൽ കൃഷി ചെയ്യാൻ സ്ഥലം തരാൻ ആളുകളുണ്ട്…
അയൽപക്കങ്ങളിൽ വിൽക്കുവാൻ ഉദ്ധേശിച്ചു.. വാങ്ങാൻ ആളു വരാതെ കിടക്കുന്ന എത്രയോ സ്ഥലങ്ങളിൽ കാട് വെട്ടാൻ മാത്രം വർഷം തോറും പതിനായിരങ്ങൾ മുടക്കുന്നവരുണ്ട്..ഉടമസ്ഥന്മാരോട് സംസാരിച്ചു കഴിഞ്ഞാൽ ചിലരെങ്കിലും സന്തോഷത്തോടെ അനുവദിക്കും.. പുറമ്പോക്ക് സ്ഥലങ്ങളിൽ,.. തരിശു നിലങ്ങളില്‍ .. സര്‍ക്കാര്‍ ഓഫീസിലെ കാട് പിടിച്ച സ്ഥലങ്ങളില്‍.. ഇവിടെയൊക്കെ കൃഷിയുമായി ബന്ധപ്പെട്ട തീറ്റപ്പുല്ല് വളര്‍ത്താം..വേണ്ട, വഴുതനങ്ങ, ചീര, ചെറിയ പച്ചക്കറികൾ ഒക്കെ ചെയ്യാം.. ഉടമസ്ഥനെയോ അധികാരിയെയോ നേരിട്ട് കണ്ടു സംസാരിക്കണമെന്ന് മാത്രം.. പലരും പരിചയമുള്ളവരായിരിക്കും.. അങ്ങിനെ പലതും ചര്‍ച്ചയില്‍ വരുത്തുക.

നാടന്‍ ശര്‍ക്കര / പനം ചക്കര ഇവ നിര്‍മ്മിക്കാനുള്ള അനുമതി ലഭിച്ചാല്‍ ഏറെ പേര്‍ക്ക് തൊഴിലാകും .

ലോകത്തെ രക്ഷിക്കാന്‍ ഇനി കുരുമുളക്, ഇഞ്ചി, മഞ്ഞൾ ഇവയൊക്കെ ഏറെ വേണ്ടി വരും എന്നാണു എന്‍റെ ചിന്തയില്‍ വരുന്നത്.. കുരുമുളക് ഏറെ നാള്‍ കേടു കൂടാതെ ഇരിക്കും .ചുരുങ്ങിയത് 25 വർഷങ്ങൾ വരെ കുരുമുളകിന് ഒന്നും സംഭവിക്കില്ല ഞാറ്റു വേലയില്‍ വള്ളികള്‍ നടുക. ഏലം ഇഞ്ചി മഞ്ഞള്‍ എന്ന് വേണ്ട എല്ലാം നടുക .

കൃഷി പട്ടിണി മാറ്റാനും വിശപ്പു അകറ്റാനും വേണ്ടിയാകണം.. ലാഭം ചിന്തിച്ചു മുന്നോട്ടു പോകരുത്.. നേടുന്നത് ലാഭമായി കരുതുക. ഒന്നോര്‍ക്കുക.. ഭക്ഷണമില്ലാതെ ആരും ജീവിക്കില്ല… ഭക്ഷണം കരുതി വെക്കലാണ് നല്ല ഖജനാവിന്‍റെ ലക്ഷണം .

കോവല്‍ വലിയ ദോഷം ഒന്നും വരുത്താത്ത ഒന്നാണ്..ചുമ്മാ ഇരിക്കാതെ അതിനായി ഒരു വള്ളി പന്തല്‍ തീര്‍ക്കു..

എല്ലാവരും ആരോഗ്യത്തോടെ ജീവിച്ചേ മതിയാകൂ.. കുറച്ചു പണിയെടുക്കുന്നത് ആരോഗ്യത്തിന് നല്ലതാണ്..

പലരുടെയും വാഴ നശിക്കുന്നതായി പറയുന്നുണ്ട് .വാഴ ഇടത്തരം പാകമെത്തിയാല്‍ ചുവട്ടില്‍ കല്ലുപ്പ് ഇട്ടു കൊടുക്കുക.. കുല നശിക്കില്ല

വെളുത്ത തഴുതാമ ഭൂമിയില്‍ തന്നെ കുറഞ്ഞു തുടങ്ങി.. കണ്ണിനും കരളിനും കിഡ്നിയുടെ ബലത്തിനും ഇതു നല്ലൊരു കറിയാണ്. നട്ടു വളര്‍ത്തി ചന്തയില്‍ എത്തിക്കാം.. ചിലവാകത്തത് വീണ്ടും കുഴിച്ചിട്ടാല്‍ മുളയ്ക്കും.. വലിച്ചെറിഞ്ഞാലും അവിടെ ക്കിടന്നു മുളയ്ക്കും.. നഷ്ട്ടം വരാത്ത കൃഷിയാണ്. പശുക്കളും ആടുമാടുകളും ആര്‍ത്തിയോടെ തിന്നും കൂടുതല്‍ ആയാല്‍ പുല്ലിന്റെ വിലയെങ്കിലും കിട്ടാതിരിക്കില്ല…കീടങ്ങള്‍ ആക്രമിക്കാത്ത കൃഷിയാണ് തഴുതാമ. ഇപ്പോള്‍ ഒടേതമ്പുരാന്‍ മാത്രമാണ് ഇതു കൃഷി ചെയ്യുന്നത് .

നാടന്‍ പപ്പായയ്ക്ക് (കപ്പങ്ങ /കപ്പളങ്ങ ) നല്ല ഡിമാന്റാണ്.. പുരയുടെ ഒരു മൂലയ്ക്ക് മൂന്നാല് കാപ്പങ്ങാ തൈ ഈ മഴക്കാലത്ത് നട്ടു പിടിപ്പിക്കുക .

വനങ്ങളില്‍ വഴിയരുകില്‍ ”കൂവ” ധാരാളം കാണുന്നു.. കൂവപ്പൊടിക്ക് കിലോ രണ്ടായിരം രൂപ വരെ കിട്ടുന്നു…രോഗ പ്രധിരോധ ഗുണം ഉള്ള ഒന്നാണ് കൂവ.. വനത്തിനു അരികിലുള്ളവര്‍ അതിലേക്കു ശ്രദ്ധ തിരിക്കുക. കൂവ കൃഷിയില്‍ ഒരു നഷ്ട്ടവും വരാനില്ല.. കാരണം ഇതിന്‍റെ കൃഷിക്കാരനും പടച്ച തമ്പുരാന്‍ തന്നെയാണ്.. വളമോ പരിചരണമോ കൊടുക്കേണ്ട.. ഇതു നല്ല ബുദ്ധിയാണ്… മടിയന്മാര്‍ ചെയ്യട്ടെ.

റബ്ബര്‍ കൃഷിക്കാർക്ക് ചിലവ് കൂടുതലും വരവ് അനിശ്ചിതത്വവുമാണ്..ചിലപ്പോൾ ലാഭം കിട്ടും.. റബ്ബർ വിശപ്പ്‌ മാറ്റുന്ന ഫലം തരുന്നില്ല..
‍ റബ്ബറില്‍ നല്ലയിനം കുരുമുളക് കയറ്റുക.

ഫലം തരുന്ന കൃഷിയാണ് ഏറ്റവും നല്ല മാര്‍ഗ്ഗം…പണം തരുന്ന കൃഷി വിശപ്പിനെ അകറ്റില്ല .

വെള്ളപ്പൊക്കം വന്നാല്‍ പോലും നശിക്കാതെ ഇരിക്കുന്ന ഒന്നാണ്‌ കരിമ്പ്‌ കൃഷി… ഓരോ വെള്ളപ്പൊക്കത്തിലും ഇങ്ങേരു തല ഉയര്‍ത്തി നിന്നതായി പലരും അറിയിച്ചിരുന്നു. പണം ഇറക്കാന്‍ ഭയം ഉള്ളവര്‍ കഴിവ് കുറഞ്ഞവര്‍ ഇതിലേക്ക് തിരിയുക. കരിമ്പിനെ കീടന്‍ ആക്രമണം വരാത്ത നല്ല നിര്‍ദേശങ്ങള്‍ തരാന്‍ തെയ്യാര്‍ ആണ്.. ഒരു മാർഗ്ഗം പറയാം.. ശര്ക്കരപ്പാവ് കലക്കി വെച്ചാല്‍..മധുരം തേടുന്ന കീടങ്ങള്‍ കരിമ്പിനെ ആക്രമിക്കില്ല .

എല്ലാ കൃഷിയിടത്തിലും പഞ്ചഗവ്യo തളിക്കുക കൃഷിയിടത്തില്‍ ശര്‍ക്കരയും അല്‍പ്പം ചുണ്ണാമ്പും ചേര്‍ത്തു വലിയ പ്ലാസ്റ്റിക് പാത്രത്തില്‍ കലക്കി വെക്കുക.. ഒട്ടു മിക്ക പ്രാണിക്കും മധുരം ഇഷ്ടമാണ്..തേനില്‍ വിഷം ചേര്‍ത്തു വെച്ചാലും നല്ലത് പക്ഷേ അപകടം ഒന്നും വരുത്തരുത്…ശര്ക്കരപാവ് കലക്കുമ്പോള്‍ അതില്‍ വീഴുന്ന പ്രാണിയുടെ ചിറകു നനയണം അപ്പോള്‍ അവ പറക്കില്ല അതാണ്‌ അതിലെ ചതി.. പ്രാണി ഹിംസ പാടില്ല അത്തരം പാപങ്ങള്‍ എന്‍റെ തലയില്‍ കെട്ടി വെക്കരുത്.

കഴിയുന്നതും തേങ്ങാപ്പീര നാല് മൂലയ്ക്കും വിതറിയാല്‍ ഉറുമ്പ് പെരുകും അവ കീടങ്ങളുടെ ശത്രുക്കള്‍ ആകുന്നു .പീര എല്ലായിടവും വിതരരുത് എല്ലായിടവും ഉറുമ്പ് ഉണ്ടായാല്‍ മണ്ണിര നശിക്കും .

മാവിന്‍ കൊമ്പില്‍.. പ്ലാവില്‍ ഒരു കഷണം മാംസം അല്ലെങ്കില്‍ മീന്‍തലയുടെ ഭാഗം തൂക്കിയിട്ടാല്‍ നീറ് എന്ന പറയുന്ന മുശര്‍ എന്നൊക്കെ വിളിക്കുന്ന ഉറുമ്പ് അവിടെയെത്തും വിളകള്‍ നശിക്കില്ല .

അത്തി ഇത്തി അരയാല്‍ പേരാല്‍ ഇതൊക്കെ ഉള്ള ഇടം കണ്ടെത്തുക ഇതിന്‍റെ തോല് ശേഖരിക്കല്‍ നല്ലൊരു വകുപ്പാണ്… നല്ല മാര്‍ക്കറ്റുണ്ട്… ഇത് ഇട്ടു വെള്ളം തിളപ്പിച്ച്‌ ആറ്റി ശിശുക്കളെ കുളിപ്പിച്ചാല്‍ ത്വക്ക് രോഗങ്ങള്‍ വരാനുള്ള സാധ്യത കുറയുന്നു.. മുതിര്‍ന്നവര്‍ക്കും കുളിക്കാം…നാല്പ്പാമാരപ്പൊടി ഇവിടെ കിട്ടും എന്നൊരു ബോഡ് വെച്ചാല്‍ ചന്തയിൽ കൊണ്ടു പോയി കൊടുക്കേണ്ട കാര്യമില്ല.. ആളു വന്നോളും..കഞ്ഞി വെക്കാനുള്ള വക കിട്ടും.. ഇവിടെയും കൃഷിക്കാരന്‍ ദൈവം ആയതു കൊണ്ട് യാതൊരു വഹ കണ്ണീരിനും വില കൊടുക്കേണ്ട… കിട്ടിയതൊക്കെ ലാഭം .

ഇന്നു ലോകത്ത് കിട്ടാത്ത ഒന്നാണ് അസ്സല്‍ എള്ളിന്‍ എണ്ണ (നല്ലെണ്ണ )ഇതിലാണ് സര്‍വത്ര മായം ഉള്ളത് . ആശ്യക്കാര്‍ ഏറെയുണ്ട്.. അതാണ്‌ അത്ഭുതം. തിലം എന്നാണു സംസ്കൃത നാമം..തൈലം ഉണ്ടാക്കാന്‍ തിലം കൂടിയേ തീരൂ . അമ്പല ജീവനക്കാരും ഭക്തി മാര്‍ഗ്ഗികള്‍ എള്ളിന്‍ തിരിയിട്ടു ഈശ്വര ആരാധന നടത്തുന്ന വിഭാഗങ്ങള്‍ ഇവരൊക്കെ എന്ത് വിലകൊടുത്തും വാങ്ങും… കോയമ്പത്തൂര്‍ പോയാല്‍ നല്ല മെഷിന്‍ കിട്ടും..ആരെങ്കിലും ഒന്ന് തുടങ്ങൂ വില നോക്കാതെ ഭക്തര്‍ ഇതു വാങ്ങും…തലയില്‍ തേച്ചു കുളിക്കാനും അച്ചാര്‍ ഉണ്ടാക്കാനും എള്ളെണ്ണ തന്നെയാണ് ഉത്തമം… ഇതിലെ പിണ്ണാക്ക് സമം ത്രിഫലപ്പൊടി ചേര്‍ത്തു കുളിച്ചാല്‍ മഞ്ഞു കാലത്തെ ശരീര വെടിച്ചില്‍ ഉണ്ടാകില്ല. പിണ്ണാക്ക് കാലി തീറ്റയാണ് നഷ്ട്ടം ഉണ്ടാകില്ല.. അതാണ്‌ അനുഭവം .

നന്നാറി എന്ന അസ്സല്‍ നറുനീണ്ടി ഇപ്പോള്‍ കിട്ടാനില്ല.. താല്പര്യമുള്ളവർ ഇതു കൃഷി ചെയ്യുക… അസ്സല്‍ നന്നാറി സര്‍ബത്ത് നിങ്ങള്‍ ആരെങ്കിലും തുടങ്ങുക… സോറിയാസിസ് മാറാന്‍.. ത്വക് രോഗത്തിന് ഒക്കെ ഔഷധ ഗുണങ്ങൾ ധാരാളം ഉള്ള നന്നാറി കൂടിയേ തീരൂ…കിലോ Rs. 600/- കൊടുത്താലേ നിലവില്‍ നന്നാറി കിട്ടുന്നുള്ളൂ. കൃഷി ചെയ്‌താല്‍ ഈ സസ്യം നശിക്കാതെ ഇരിക്കും.. വിലയും കമ്മിയാക്കി കൊടുക്കാം… ഊര്‍ജ്ജം തരുന്ന ദാഹശമനി ആണ്..കുപ്പിയിലടച്ച പഴച്ചാറുകളും..പെപ്സി പോലുള്ള കാർബോണേറ്റഡ്‌ കൂൾ ഡ്രിങ്ക്സുകളും ഒക്കെ രാസവസ്തുക്കളും കൃത്രിമ നിറങ്ങളും ഒക്കെ ചേർത്താണ് വരുന്നത്.. ഒരുകാരണവശാലും കുട്ടികൾക്ക് വാങ്ങി കൊടുക്കരുത്.. നന്നാറി സർബത്ത് പ്രൊമോട്ട് ചെയ്യുക..

മധുര തുളസി എന്നൊരു ചെടി ഉണ്ട്.. അതിന്റെ ഇല ഉണക്കി പൊടിച്ചു കാപ്പിപ്പൊടിയുടെ കൂടെ കുറച്ച് സ്‌പൈസസ് ഒക്കെ ചേർത്തു ഒരു instant readymix healthy coffee powder വിപണിയിൽ ഇതുവരെ ആരും ഇറക്കിയിട്ടില്ല.. നല്ലൊരു മുതല്‍ക്കൂട്ട് ആയിരിക്കും.. ഒരു കിലോ കാപ്പിയുടെ കൂടെ നൂറോ ഇരുന്നൂറോ മധുര തുളസി പൊടിച്ചു ചേര്‍ത്താല്‍ അത് വളരെ എഫക്റ്റ് ആയിരിക്കും പലരും ചിന്തിക്കാത്ത ഒന്നാണിത്.. കാപ്പിയില്‍ ശര്‍ക്കര ചേര്‍ക്കണം ഇഞ്ചി ഏലക്കായ മേമ്പൊടി ആക്കിയാല്‍ ബഹു രുചിയാണ് .അത് ഒരു തൊഴില്‍ ആക്കുക വിജയിക്കും അതിനായി നിങ്ങള്‍ തന്നെ അതുണ്ടാക്കി കഴിച്ചു നോക്കുക .അനുയോജ്യമായ അളവ് നിങ്ങള്‍ക്ക് തിരെഞ്ഞെടുക്കാം .

കുറച്ചു കാപ്പി പൊടിച്ചു കാറുകളില്‍ സൂക്ഷിച്ചാല്‍ കാറുകളില്‍ മുറികളില്‍ നല്ല സുഗന്ധം ഉണ്ടാകും .

ആടിനെ വളര്‍ത്താന്‍ ഇഷ്ട്ടമുള്ളവര്‍ അതിനെ വളര്‍ത്തണം നന്നായിട്ട് മേയ്ക്കാന്‍ പറ്റുന്ന ഇടങ്ങള്‍ ഉണ്ടെങ്കില്‍ നല്ല വരുമാനം ഉണ്ടാകും .പാലും മോരും നെയ്യും ഒക്കെ വിശേഷം ഉള്ളതാണ് . മറ്റൊരാള്‍ പ്ലാവില വില്‍ക്കട്ടെ…അനുബന്ധ തൊഴില്‍ ഉണ്ടാകുമല്ലോ..

ഈന്തപ്പഴം കടലപ്പോടിയില്‍ മുക്കി വെളിച്ചെണ്ണയില്‍ വറുത്ത വട രുചികരമാണ് ന ഒരു ദോഷവുമില്ല അങ്ങിനെയുള്ള പുഴുങ്ങിയ നിലക്കടല വരെ കൊടുക്കുന്ന തട്ട് കട തുടങ്ങാം . ചായക്ക്‌ പകരം നമ്മുടെ ചുക്ക് കാപ്പി കൊടുക്കണം..ചുക്ക് കാപ്പി കൂട്ട് താഴെയിടാം . ഭക്ഷണത്തിനു വാഴയില ഉപയോഗിക്കണം.. കാപ്പി പാള കോപ്പയില്‍ കൊടുക്കുക… പ്രതിരോധ ശേഷി നല്കുന്ന തട്ടുകട ആയി അത് മാറും…വേറെ ചില നാടൻ ഐറ്റംസ്‌ കൂടി കൊടുക്കണം.. തിരക്ക് വരും.. സംശയിക്കേണ്ട..

ചുക്ക് 1..5 KG
കുരുമുളക് 1 KG
തിപ്പലി 1 kg
മല്ലി 2 kg
ജാതി പത്രി 20 ഗ്രാം
ജീരകം 200 GM
ഏലക്ക 200 GM
ഉലുവ 100 ഗ്രാം
ജാതിക്ക 25 ഗ്രാം
ഗ്രാമ്പൂ 25 ഗ്രാം
ഇരട്ടിമധുരം 400 ഗ്രാം.

ഇവ പൊടിചെടുത്തത് ഒരു സ്പൂണ്‍ പൊടിക്ക് അഞ്ചു ഗ്ലാസ് വെള്ളo എന്ന കണക്കില്‍ ഇരുപത്തി അഞ്ചു ഗ്രാം ഇഞ്ചി ചതച്ചു ചേര്‍ത്തു മധുരത്തിന് ശര്‍ക്കര ചേര്‍ത്തു തിളപ്പിച്ച്‌ കാപ്പി പോലെ കുടിച്ചാല്‍ ചുമ കഫശല്യം കുറയുന്നു ഇതിന്‍റെ പൊടിയും ആള്‍ക്കാര്‍ ചോദിച്ചു വാങ്ങും.

ഏകനായി ജീവിക്കുന്നവര്‍ ഉണ്ടെങ്കില്‍ അവര്‍ക്കും പറ്റുന്നൊരു ജോലിയുണ്ട് ഉരലില്‍ ഇടിച്ചെടുത്ത .മഞ്ഞള്‍ മുളക്..മല്ലി..ഇവ കൊണ്ട് മീന്‍കറി വെച്ചാല്‍ കൊതിയൂറും രുചിയാണ്.. സാമ്പാര്‍ രസം ഇവയിലൊക്കെ ഇത്തരം പൊടി ചേര്‍ത്താല്‍ നല്ല രുചി വന്നു ചേരും… ഇങ്ങിനെ ഇടിച്ച പൊടിആദ്യം കുറച്ചു വീടുകളിൽ നേരിട്ട് വിൽപ്പന നടത്തുക.. ഒറ്റയ്ക്ക് തന്നെ ചെയ്യാം.. കുറെ ആള്‍ക്കാര്‍ വാങ്ങാന്‍ ഉണ്ടാകും..സ്വാദ് മനസ്സിലായാൽ പിന്നെ അന്വേഷിച്ചു വന്നു മേടിച്ചോളും.. മറ്റൊന്നും കൊണ്ടല്ല..മായം ചേര്‍ക്കാത്ത അസ്സല്‍ വസ്തു കിട്ടുമല്ലോ എന്നോര്‍ത്തു തന്നെ .

ഒരു ഗുണം ഉണ്ട്…ഇതു ചെയ്യുന്നവന്‍ ഹാർട്ട് അറ്റാക്ക് വരാനുള്ള സാധ്യത വളരെ കുറയുന്നു…നല്ല ആരോഗ്യo തനിക്കും നാട്ടാര്‍ക്കും ഉണ്ടാകും.. വേണമെങ്കില്‍ അരിപ്പൊടിയും ഇടിച്ചു കൊടുക്കാം .കുരുമുളക് അടക്കം പലതും നാടന്‍ ഉരലില്‍ പൊടിച്ചു കൊടുക്കുക . നിങ്ങള്‍ കാരണം കുറെയെണ്ണം നല്ലത് കഴിച്ചു നന്മ ചെയ്തു ജീവിക്കട്ടെ…മര ഉരല്‍ ആണെങ്കില്‍ വളരെ നല്ലത്. പേഴ് മരത്തിന്‍റെ ആണെങ്കില്‍ നല്ല പ്രതിരോധ ശക്തി ഉണ്ടാകും രുചിയും ഗുണവും കൂടും.. ഏറെ ക്കാലം കേടാകാതെ ഇരിക്കും. ഒരിക്കലും കരണ്ട് പണി മുടക്കും എന്ന് പേടിക്കേണ്ട .

മറ്റൊന്ന്… മര ഉരലും ഉലക്കയും ഉണ്ടാക്കുക എന്നതാണ്… ഏറെ ആവശ്യക്കാര്‍ ഉണ്ട് എന്നതാണ് അത്ഭുതം.. കല്ലുരല്‍ അത്രയ്ക്ക് ചിലവാകില്ല.. മര ഉരലുകള്‍ നാട്ടു വൈദ്യന്മാര്‍ വാങ്ങും എന്നതാണ് മറ്റൊരു സത്യം .

വാളന്‍ പുളിയാണ് സാധാരണ ഉരലിനു പറ്റിയത് .പേഴ് തെങ്ങ് പൂവം എന്നിവ ഉപയോഗിക്കാം മരപ്പണിക്കാര്‍ ഇതു നിര്‍മ്മിച്ച്‌ കൊടുത്തു തൊഴില്‍ ആക്കുക പുളി തമിഴ് നാട്ടില്‍ ഏറെയുണ്ട് .

ഏറെ ആശയങ്ങള്‍ ഉള്ളവരാണ് നമ്മള്‍…പലരും മൗനം പാലിക്കുകയാണ് പതിവ്.. എല്ലാവരും കഴിയുന്നതും അവരവർക്ക് ബോധ്യമുള്ള
നല്ല അറിവുകളും ആശയങ്ങളും ഗ്രൂപ്പുകളിൽ പങ്കു വെക്കുക… ചിലപ്പോൾ അത് ഒരാൾക്കെങ്കിലും ഉപകാരമായിത്തീരാം.. നിങ്ങളുടെ ഒരു വാക്കായിരിക്കും ചിലപ്പോള്‍ മറ്റൊരാളെ ഉയര്‍ത്തുന്നത്.. അറിവും പരിചയവും ഉള്ളവർ തങ്ങളുടെ ആശയങ്ങൾ കഴിയുന്നതും മറ്റുള്ളവരെ അറിയിക്കണം.. അല്ലാതെ ഇവിടെ നിന്നും കിട്ടിയ നല്ല അറിവുകൾ ആർക്കും പറഞ്ഞു കൊടുക്കാതെ.. മരിക്കുമ്പോൾ കൂടെ കൊണ്ടു പോകാൻ ആർക്കും പറ്റുകയില്ലല്ലോ..

ചെറിയ മുതൽ മുടക്കിൽ വീട്ടിലോ വീടിനോടു അനുബന്ധിച്ചോ വാടക കെട്ടിടത്തിലൊ..ഷെഡ്‌ഡുണ്ടാക്കി അതിലൊ..ചെറിയ വ്യവസായങ്ങൾ തുടങ്ങണം.. രണ്ടോ മൂന്നോ പേർക്കെങ്കിലും ജോലി സാധ്യത ലഭിക്കുമല്ലോ.. ഒരു ലക്ഷം രൂപ മുടക്കി ചെയ്യാവുന്ന ചക്കിലെ എണ്ണ മുതല്‍ പലതുമുണ്ട്..

അനുയോജ്യമായ ഭൂമി ഉണ്ടായിട്ടും കൃഷി ചെയ്യാത്ത ഭൂമി വാങ്ങി അതില്‍ ഹരിതാഭ വിടര്‍ത്തി ആ ഭൂമിയെ മറിച്ചു വില്ക്കുന്ന സത്യമായ റിയല്‍ എസ്റ്റെറ്റു വരെ നിങ്ങളുടെ മുന്നില്‍ കിടപ്പുണ്ട്… മരിച്ച നിലയില്‍ കിടക്കുന്ന ഒരു ഭൂമിയെ നിങ്ങള്‍ വാങ്ങി അതിനെ കൃഷിക്ക് അനുയോജ്യമാക്കി മറ്റൊരാളെ എല്പ്പിക്കുക.. എന്നത് ദൈവം ഇഷ്ട്ടപെടുന്ന ഒന്നാണ് .ആ ജോലിയില്‍ നിങ്ങളുടെ കൂലി വാങ്ങുന്നത് ഒരു വിധത്തിലും തെറ്റല്ല . ആ പാടം ഉഴുകുമ്പോള്‍ തന്നെ കൊക്കുകള്‍ പറന്നെത്തുന്നത് എന്നെ അത്ഭുതപ്പെടുത്തിയട്ടുണ്ട് .ആ പരിസരത്തു ഇല്ലാത്ത ജീവികള്‍ അവിടെ എത്തുന്നു ഇനി ഒരികളും കാണില്ല എന്ന് കരുതിയ ചില മീനുകള്‍ അവിടേക്ക് എത്തുന്ന കാഴ്ചകള്‍.. ഇതൊക്കെ പ്രകൃതിക്ക് തിരിച്ചു കൊടുക്കുന്ന ജോലി നിങ്ങള്‍ ചെയ്യുക… ആശയങ്ങള്‍ ഏറെയുണ്ട്…അത് എല്ലാവരില്‍ നിന്നും പുറത്തു വരാന്‍ നിങ്ങള്‍ എല്ലാവരും ചര്‍ച്ചയില്‍ പങ്കെടുക്കുക… അറിവുള്ളവരോട് സംശയങ്ങൾ ചോദിക്കാൻ മടിക്കരുത്‌.. ദുരഭിമാനം ഒക്കെ മാറ്റി വെക്കുക.. ജീവിക്കാൻ വേണ്ടി..അതിജീവനത്തിന്റെ കാര്യം വരുമ്പോൾ മറ്റു ചിന്തകൾ ഒക്കെ മാറ്റി വെക്കുക..

റിയൽ എസ്റ്റേറ്റ് ചെയ്യുന്നവർ ബിസിനസ്സ് കുറവാണു സ്ഥലത്തിന് വിൽപ്പന നടക്കുന്നില്ല എന്നൊക്കെ പറയുന്നു.. ഒരു മാർഗ്ഗം പറയാം..വേനൽക്കാലത്തു ജലദൗർലഭ്യം ഉള്ള പ്രദേശത്തു ഭൂമിക്കു വളരെ വിലക്കുറവു ആയിരിക്കും..വിൽക്കുവാനും ബുദ്ധിമുട്ടായിരിക്കും.. ഭൂമി വാങ്ങുവാൻ ഉദ്ദേശിക്കുന്നവർ അത്തരം മലമ്പ്രദേശങ്ങളിൽ നിസ്സാര വിലക്ക് ഭൂമി വാങ്ങുക.. മഴ പെയ്യുമ്പോൾ നേരിട്ട് പോയി കുട പിടിച്ചു നിരീക്ഷിക്കുക.. മഴവെള്ളം എല്ലാം ഒഴുകി വരുന്ന താഴ്ന്ന സ്ഥലത്തു JCB വിളിച്ചു.. വലിയ ഒരു കുളം പോലെ ഉണ്ടാക്കുക.. (മണ്ണ് ആവശ്യമുണ്ടെങ്കിൽ എടുക്കുക.. അല്ലെങ്കിൽ വില്ലേജ് ആഫീസിൽ നിന്നും പെർമിറ്റ്‌ വാങ്ങി വിൽക്കുക..) മണ്ണിന്റെ സ്വഭാവം നോക്കി വേണം താഴ്ച്ച നിശ്ചയിക്കാൻ..സാധാരണ ഗതിയിൽ ഉദ്ദേശം 7 അടി യോ 8 അടിയോ താഴ്ച വേണം.. മൊത്തം സ്ഥലത്തിന്റ അളവനുസരിച്ചു വേണം വിസ്താരം.. കുളത്തിൽ മണ്ണ് മാറ്റിയതിന് ശേഷം ആദ്യം വലിയ കല്ലുകൾ ഒക്കെ പെറുക്കി ഇടുക.. പിന്നെ കരിങ്കൽ സോളിങ്, വലിയ മെറ്റലുകൾ എന്നിങ്ങനെ നിറക്കുക.. മുകളിലേക്ക് വരുമ്പോൾ ചെറിയ മെറ്റലുകൾ.. ഏറ്റവും മുകളിൽ ബേബി മെറ്റൽ ഇടുക.. കുഴി മൊത്തം നിറയണം..ഇതാണ് percolation pit. ഗൂഗിൾ സെർച്ച്‌ ചെയ്തു നോക്കുക.. സംശയം ഉണ്ടെങ്കിൽ വിളിക്കാം.. ചെമ്പുമുക്ക് പാറക്കാട്ടു അമ്പലത്തിൽ ക്ഷേത്രക്കുളത്തിനു സമീപം ഇത് നിർമ്മിച്ചിട്ടുണ്ട്..എത്ര വേനൽ വന്നാലും കുളം വറ്റുകയില്ല.. സമയമുള്ളപ്പോൾ കാണുക. ആവശ്യമുള്ളവർക്ക് സൗജന്യമായി ഉപദേശം നല്കാൻ തയ്യാറുള്ള എഞ്ചിനീയറുടെ നമ്പർ തരാം..

(മഴക്കുഴി എന്നും പറഞ്ഞു പറമ്പിൽ പലരും വലിയ കുഴികൾ എടുക്കുന്നത് കണ്ടിട്ടുണ്ട്.. പക്ഷെ ഉദ്ദേശിച്ച ഫലം കിട്ടുകയില്ല.. രണ്ടു മഴ കഴിയുമ്പോൾ തന്നെ പുല്ല് പിടിക്കും..മണ്ണിലെ സുഷിരങ്ങൾ എല്ലാം അടയും.. വെള്ളം താഴേക്കു ഇരിക്കുകയില്ല..) മഴവെള്ളം എത്ര ലക്ഷം ലിറ്റർ ഉണ്ടായാലും percolation pit കൃത്യമായി ഉണ്ടാക്കിയാൽ അത് ഭൂമിയിലേക്ക് പിടിക്കും.. മഴവെള്ളം ഏറ്റവും പരിശുദ്ധമാണ്.. പറമ്പിൽ വീഴുന്ന മഴവെള്ളം ഒറ്റ തുള്ളി പോലും പുറത്തു കളയരുത്.. ( മന്ത്രിമാരും എറണാകുളം ജില്ലാ കളക്ടർ IAS കാരനും ഇക്കാര്യം ചിന്തിച്ചിട്ടില്ല എന്നാണ് തോന്നുന്നത്..ഓപ്പറേഷൻ ബ്രേക്‌ത്രൂ എന്ന പേരിട്ടു മഴവെള്ളം മുഴുവനും അറബിക്കടലിലേക്ക് ഒഴുക്കി വിടുവാൻ കോടികളുടെ പരിപാടി നടന്നു കൊണ്ടിരിക്കുകയാണ്.. ) ശരിക്കും പറഞ്ഞാൽ അടുത്തുള്ള പറമ്പിൽ വീഴുന്ന മഴവെള്ളം ഒഴുകി പുറത്തേക്കാണ് പോകുന്നതെങ്കിൽ അവരോടു അനുവാദം ചോദിച്ചു…ആ മഴവെള്ളം കൂടി percolation pit എന്ന് പറയുന്ന നമ്മുടെ പറമ്പിലെ പെർക്ലേഷൻ പിറ്റിലേക്കു വിടുക.. അഴുക്ക് ഇലകൾ, മണ്ണ് എന്നിവ വരാതിരിക്കാൻ ഒരു ചെറിയ തടയണ കെട്ടി വേണം വെള്ളം കുഴിയിലേക്ക് ഇറക്കാൻ.. രണ്ടോ മൂന്നോ സീസൺ മഴക്കാലം കഴിയുമ്പോൾ തന്നെ ഒരു കിണർ അടുത്തു കുത്തി നോക്കുക.. അധികം താഴ്ത്താതെ തന്നെ സമൃദ്ധിയായ വെള്ളം കിട്ടും.. എല്ലാ വർഷവും percolation pit ഒരു ചിലവും കൂടാതെ പണി എടുത്തു കൊള്ളും..നമ്മുടെ കിണറിൽ മാത്രമല്ല അയൽ പക്കങ്ങളിലെ കിണറുകളിലും വെള്ളം ധാരാളം ഉണ്ടാകും..വെള്ളം വരുന്നതോടെ മരങ്ങൾ നല്ല പുഷ്ടിയോടെ വളരും..കൃഷി നന്നായി നടത്താം.. 5 -6 വർഷം കഴിയുമ്പോൾ നിങ്ങൾ പറയുന്ന വിലക്ക് സ്ഥലം വാങ്ങാൻ ആളുണ്ടാകും..

ഒരു മലയുടെ മുകളില്‍ വലിയൊരു തടാകം നിര്‍മ്മിച്ച്‌ മീൻ വളർത്തിയ ഒരാളെ എനിക്കറിയാം… അയാളെ മരമണ്ടന്‍ എന്നാണു പലരും വിളിച്ചത്.. മരുഭൂമിയില്‍ മത്സ്യ കൃഷി ചെയ്യുന്ന മണ്ടന്‍ എന്ന് പലര്‍ക്കും തോന്നാം.. തടാകത്തിലെ അല്‍പ്പം മണ്ണ് മാത്രം അയാള്‍ വിറ്റ് എന്നതല്ലാതെ ബാക്കി 99% നഷ്ട്ടം അഞ്ചു വര്ഷം അയാള്‍ ആ ഭൂമിയിലേക്ക് തിരിഞ്ഞു നോക്കിയില്ല.. മൂന്നാം വര്ഷം മുതല്‍ അവിടെത്തെ കിണറുകളില്‍ വെള്ളം ഉണ്ടാകാന്‍ തുടങ്ങി .കാരണം മുകളിലെ തടാകത്തില്‍ ജലം നിറയാന്‍ തുടങ്ങിയിരുന്നു .ഇപ്പോള്‍ ആ ഭൂമിയുടെ ഭാഗങ്ങളില്‍ വൃക്ഷങ്ങള്‍ വളരാന്‍ തുടങ്ങി… വരണ്ട ഭൂമിയെ മരതകം ചാര്‍ത്തുന്ന ഇതുപോലെയുള്ള റിയൽ എസ്റ്റേറ്റ് land development പ്രവൃത്തി നല്ല താല്പര്യമുള്ളവർ ചെയ്യുക… അത്തരം ആശയപരമായ കഴിവുകള്‍ ഉണ്ടെങ്കില്‍ ആ വഴികള്‍ നിങ്ങള്‍ക്ക് ചിന്തിക്കാം…ന്യായമായ സമ്പത്ത് സൃഷ്ടിക്കാം..നല്ല കാര്യങ്ങൾക്ക് ഉപകരിക്കാം..അതിൽ തെറ്റൊന്നുമില്ല.. പ്രകൃതിയെ സംരക്ഷിക്കാം..

ഒരു കാര്യം പറയാം…എല്ലാ പറമ്പുകളിലും percolation pit ഉണ്ടാക്കി..ഒരു പറമ്പിലേയും വെള്ളം റോഡിൽ കാനകളിലേക്കു ഒഴുക്കി വിടുന്ന പരിപാടി നിർത്തിയാൽ തന്നെ… നഗരങ്ങളിൽ നല്ല മഴ പെയ്താൽ ഉടനെ വെള്ളപ്പൊക്കം.. എന്ന പ്രതിഭാസം ഉണ്ടാകുകയില്ല.. സർക്കാർ എൻജിനീയർമാരും കോൺട്രാക്ടർമാരും ചിലപ്പോൾ എതിര് നിൽക്കും.. കാനകൾ പണിതും കാനകൾ ആഴം കൂട്ടിയുമുള്ള അഴിമതി കൃഷിക്ക് ഭംഗം വരുമല്ലോ..

ഓർക്കുക.. നമ്മൾ അമിതമായ ലാഭം മാത്രം പ്രതീക്ഷിച്ചു ഒരു പ്രവൃത്തിയും ചെയ്യാതിരിക്കുക.. ചെയ്യുന്ന ജോലി ആത്മാർത്ഥതയോടെ സത്യസന്ധമായി ചെയ്യുക..പ്രകൃതിയെ വേദനിപ്പിക്കാതിരിക്കുക….ഒരു ജീവിയെപ്പോലും വേദനിപ്പിക്കരുത്…രാസ വളങ്ങളും രാസ കീട നാശിനികളും തരികിട മാർഗ്ഗങ്ങളും ഒഴിവാക്കുക.. ലാഭം നിങ്ങള്‍ അറിയാതെ തന്നെ വന്നു ചേര്‍ന്നു കൊള്ളും.. ധര്‍മ്മ മാര്‍ഗ്ഗം മാത്രം ചിന്തിക്കുക… മനസ്സമാധാനം വന്നു ചേരും.. കുട്ടികൾ നന്നായി വരും.. മറ്റുള്ളവരുടെ പ്രാര്‍ത്ഥന കൊണ്ട് ആരോഗ്യവും കൈവരും..

Anil Vaidik.
(Mob..8281404225)